Sasiburuko kideok interesatuko zaigun jarduera berri bat dakarte: «80 amandre». Dorleta Kortazar ipuin kontalaria izango dugu emakumeen istorio hauek kontatzeko.

  • Gurutzetako kultur etxean

  • Martxoak 15, asteazkena

  • 19:00etan

«80 amandre behar omen dira antzinako emakumeak egungoekin lotzeko, hori zioen behintzat Jorge Oteiza handiak; 80 amandre besterik ez, aitzin aroa orainaldiarekin lotzeko. 80 ziren; 20 izan zitezkeen; 4 dira.
Nik 4 amandre nahikoa izan ditut munduan nire txokoa aurkitzeko, 4 amandre besterik ez, ipuin bihurtu eta saio honetan elkartu ditudanak. Ametsak, desioak, lana eta tristurak mototsean kiribildu eta munduari irribarre egiten ikasi zuten emakumeen istorioak dira hauek. Esku zailduak, sabel puztuak, begirada galduak, eta batez ere irribarrea begietan duten amandreak, amamak, amonak, amatxiak, amumak?
Finean, nire amandreak zure amandreak ere badirelako.»