Oraindik ez duzu EGA azterketarako matrikula egin? Zalantzatan zaude aurkeztu ala ez? Entzun duzu oso zaila dela? Ezinezkoa dela gainditzea? Oso jende gutxik gainditzen duela? Ez egin kasurik!!
- Matrikula: urtarrilaren 9tik 23ra (eguerdiko 12ak arte)
- Matrikula egiteko esteka: EGA matrikula
- EGA egutegia_2017
Erraza ez da, jakina!! Euskararen Gaitasun Agiriak euskaraz goi mailako gaitasuna duzula egiaztatuko du; beraz, tramite hutsa ezin da izan. Baina horrek ez du esan nahi ezinezkoa denik. Azterketa prestatu barik baldin bazoaz, egia da oso aukera gutxi izango duzula gainditzeko; baina hori bizitzaren alor gehienetan gertatzen da: imajinatzen duzu gidabaimena ateratzeko azterketetara aurkeztea prestatu barik? Imajinatzen duzu Bilboko Maratoi erdira aurkeztu nahi izatea, aldez aurretik entrenatu barik?
Gaztea bazara, seguruenez, ikasketa prozesu osoa euskaraz egin duzu; beraz, EGA azterketa prestatu ahal duzu; baina, berriro diot, aurkeztu baino lehen prestatu behar duzu. Eta nola egin?
- Euskaltegietan ikastaro bereziak antolatu ohi dira C1 maila prestatzeko
- Ikastetxe askotan eskolaz kanpoko jardueren artean horrelako ikastaroak eskaintzen dituzte
- Zeure kabuz ere prestatu ahal duzu. Interneten baliabide ugari dituzu:
- Atariko proba: Atariko proba_ereduak (azterketa + erantzun-orriak)
- Azterketa idatzia: Idatzizko azterketa ereduak
- Ahozko azterketa: Ahozko azterketa ereduak
- EGA azterketa prestatzeko material gehiago:
- Interneten ordez, nahiago zenuke materiala PDF-n eskura eduki? Jarri gurekin harremanetan eta guk daukagun material guztia helarazi eta aholkuak emango dizkizugu:
Aitzakiarik ez dago!! Eta merezi, merezi du!! Ez utzi geroko, gehiago kostatuko zaizu-eta!! Egin ahalegina eta atera titulua, lan munduan izugarri garrantzitsua da eta!!
ZORTE ON!!!!
